[center]* واحد بيعاكس واحدة سودا قاللها: أموت في البيبسي ، تفت عليه قالها: وكمان بتفورى.
*سألوا دلوعة: يعنى إيه عزاء؟ قالتلهم: يعنى بارتى حزين بيوزعوا فيه قهوة دايت.
*غبي خطف غبيه ركبها العربيه فضلت تصوت قالها: هتسكتى ولا أنزلك؟ قالت له :لأ هاسكت.
*ديليفري بيسأل شيخ: هو أنا شغلي حرام؟ قاله ليه انت مش مؤمن؟ قاله لا كنتاكي.
*واحد صعيدي اشتري لابنه آله حاسبه وشال منها الصفر عشان ميتصلش دولى.
*عجوزه نزلت حمام السباحه فحصل برق في السما، قالت: يووووه هو الشباب بدأ يصور؟
*ومازال الخبراء الصعايدة فى لبنان محتارين إلى الآن هل الذي مات الحريري أم رفيقه.
*عرض فودافوت للامتحانات.. ليه تشيل مادة لما ممكن تشيل اتنين؟ ليه تشيل لوحدك لما ممكن تشيل انت وأصحابك؟ مع نظام أفشل ناس اختار 3 من أصحابك يشيلوا معاك.
*صعيدى قاعد على الشط فواحد بيغرق كل ما يرفع إيده يقوله: وعليكم السلام.
*مرة اتنين مجانين واحد فيهم رسم أسد على قلبه، التانى قاله: انت مش خايف لياكلك قاله: لأ أنا راسمه من غير سنان.
*واحد أمريكى اخترع آله بتصيد الحرامية، جربها فى أمريكا اصطادت 50، جربها فى قطر اصطادت 100، جربها فى العراق اصطادت 500، جربها فى مصر المكنة اتسرقت.
*واحد مسطول شاف قطة أخدها البيت لمراته وقاللها: شايفة القرد؟ قالتله: دى قطة يا منيل، قالها: هو حد كلمك؟ أنا باكلم القطة.
*مجموعة صعايدة ماتواغرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين.
*صعيدي راح أمريكا لقى الناس لابسين تي شيرتات مكتوب عليها "بيبسى" و "كوكاكولا" لما رجع البلد كتب على التيشيرت بتاعه "عصير قصب".
*صعيدي بيعاكس واحدة على الموبايل قالتله: شكلك صعيدي، قاللها: يلعن أبو إظهار رقم الطالب.
*واحد كسب مليون جنيه راح لمراته يفرحها ماتت من الفرحة قال: سبحان الله الخير لما ييجى ييجى مرة واحدة.
*سواق ماشى على الطريق، واحد لابس أحمر فى أحمر شاور له فوقف السواق وقاللـه: انت مين وعايز إيه؟ قاللـه: أنا الفرفور الأحمر وعايزك توصلنى، فقاللـه: لأ مابوصلش فرافير ومشى وسابه، شوية ولقى واحد لابس أصفر فى أصفر وبيشاورله، فوقف وقاللـه: انت مين وعايز إيه؟ قاللـه: أنا الفرفور الأصفر وعايزك توصلنى، فقاللـه: لأ مابركبش فرافير ومشى وسابه، شوية وقابله واحد لابس أخضر فى أخضر عمل معاه نفس الحكاية، فالسواق سابه ومشى شوية كمان كده ولقى واحد لابس أبيض فى أبيض بيشاورله فالسواق وقف وقاللــه: يا ترى انت بقى الفرفور الأبيض فقاللـه الراجل: فرفور إيه؟ رخصك يا روح أمك.
*خمسه صعايدة بيصلوا، الأول عطس، التاني قاللـه: يرحمكم الله، التالت قاللهم: ماينفعش تتكلموا وانتو بتصلوا، الرابع قال: كده صلاتكم باطلة، الخامس فرح وقال: الحمد لله أنا مااتكلمتش.
*منوفي عمل شوربة لحمة فسألوه: فين اللحمة قاللهم: هو شاي العروسة فيه عروسة؟
