هو اللبس ده ينفع ولا إيه؟
نظراً لأن البشر منذ بدء الخليقة برعوا فى التحايل على كل قانون ربانى وأمتدت أساليب التحايل و الخداع حتى يومنا هذا لتضع بصمتها على كل شئ، سآخذكم اليوم فى جولة سريعة لفنون التحايل و النصب باسم الحجاب والتى جعلت منه أضحوكة
رقم1: الكارينا
تعريف الكارينا (لمن لا يعرف): هو بادى استرتش يلتصق بالجسم، ويكون مزودا بأكمام طويلة (علشان الذراعين ما يظهروش ..(يا سلام على الحشمة)
وأذا ارتدت الفتاة الكارينـا فيمكنها أن ترتدى فوقه أى شئ تريده (نص كم أو مفتوح الصدر يعنى أى حاجة وخلاص) المهم إن البادى غطى جسمها (ياسلام على التحايل والخداع) خدوا من القانون الربانى فى الحجاب مبدأ (ستر كل البدن) وتجاهلوا انه لازم (لا يصف و لا يشف)
المصيبة الكبرى: أن الأب والأم بيكونوا فاكرين إنه ده الحجاب الصح طالما إن مفيش جزء من جسم بنتهم باين
رقم2: المايوة الشرعى (والله الاسم لوحده يضحك)
طبعاً لأن العقل البشرى مفيش حدود بتوقفه، فاخترعوا حكاية المايوة الشرعى ده علشان البنات و الستات المحجبات اللى عايزين ينزلوا المية زى الناس العادية
تعريف المايوة الشرعى (لمن لا يعرف): هو مايوه يغطى الجسم كله ولا يظهر منه إلا الوجه و الكفين، بس فيه مشكلة بسيطة قوى: إن المايوه بيكون ملتصق بالجسم يعنى تفاصيل جسم المرأة كلها بتكون واضحة (مشكلة بسيطة صح؟) حسبى الله و نعم الوكيل
رقم3: العباية (وما أدراك ما العباية؟) للوهلة الأولى تظن أن العباية هى أفضل زى للمرأة الملتزمة، لكن للأسف هذا كان المفهوم القديم قبل أن تظهر الأنواع الجديدةالعباية الحالية (تعرف باسم: العباية المخصرة وهذه العباية تبرز تفاصيل الجسم والملابس الداخلية كمان بشكل مستفز بالإضافة إلى النقوش البارزة و اللامعة، باختصار أنا أمنح هذه العباءة جائزة أفضل عملية نصب و تحايل لأعوام 2007 – 2008 – 2009 – 2010 على التوالى
رقم4: البنطلون الجينز (هذا سأسميه: أم الكوارث)
التعريف: هو غنى عن التعريـف
طبعاً لا يخفى على أحد انتشار البنطلون الجينز بين المحجبات كانتشار النار فى الهشيم (إلا من رحم ربى) والبنطلون الجينز مفيش منه مقاسات واسعة هو بطبيعته بياخد شكل الجسم، وبيجسد كل حاجة، يعنى مفيش أفضل من وصف المصطفى عليه الصلاة والسلام (كاسيات عاريات) شوف البلاغة
رقم5: البوت طويل الرقبة
وعلشان البنت المحجبة ما تحسش إنها متخلفة عن خطوط الموضة، قدموا ليها أخر صيحة: لو عايزة تلبسى جــيبـة عند الركبة (بس أنتى محجبة) ولا يهمك، الحل عندنا!!!
جيبة عند الركبة + بوت طويل الرقبة (مبرووووك... المشكلة أتحلت) وطبعاً مفيش حاجة من جسمك باينة (قمة التحايل والنصب)
اللهم أستر بنات المسلمين
رقم6: ربطات الحجاب
طبعاً علشان كل بنت محجبة حست بالنقص بعد تغطية شعرها اللى بتعتبره تاج جمالها، قاموا بتعويضها عن ده بأنواع الربطات المختلفة، أشكال وألوان وتداخلات غريبة، والله ملفته أكتر من الشعر العادى، فمرة يخترعولها الربطة الأسبانية،ومرة تانية يطلعولها بموضة الديك أبو رقبة (الاسكارف الملفوف حوالين الرقبة من فوق يغطى الشعر والرقبة زى رقبة الزرافة) وده كله طبعا اتباعاً لمبدأ (الدين يسر)، والله هم يضحك و هم يبكى
رقم7: مساحيق التجميل(المكياج Make Up) وده بناءً على مبدأ (إن الله جميل يحب الجمال) فيحق لكِ سيدتى استخدام كافة أنواع مساحيق التجميل واتباع أحدث خطوط المكياج العصرى مع مراعاة عدم ظهور الشعر (ده أهم حاجة عندنا علشان ترضى ربنا)
بجد هو ده المفهوم عند البنات و الآباء والأمهات فى هذه الأيام ونسوا ان حتى الطيب (البرفان perfume) محرم على المرأة إذا خرجت من بيتها، عن أبي موسى عن النبي صلى الله عليه وسلم قال: "كل عين زانية، والمرأة إذا استعطرت فمرت بالمجلس، فهي كذا وكذا، يعني زانية" طيب اللى وجهها لوحة من الألوان والإيحاءات يبقى حالها أيه؟
اللهم طهر عقولنا و قلوبنا من الزيغ و الهوى
وللتذكرة، ومع أن الكلام أصبح لا طائل منه فى زمن ماتت فيه القلوب وجفت فيه دماء الغيرة على بنات المسلمين، هذه هى شروط القانون الربانى للحجاب:
الأول: ستر جميع بدن المرأة (ما عدا الوجه والكفين)
الثاني: أن لا يكون الحجاب في نفسه زينة. (يعنى ربطات أمينة شلباية وغيرها متنفعش)
الثالث: أن يكون صفيقاً ثخيناً لا يشف
الرابع: أن يكون فضفاضاً واسعاً غير ضيق (يعنى الكارينا و الجينز والعباية المخصرة والمايوة متنفعش)
الخامس: أن لا يكون مبخرًا مطيبًا
السادس: أن لا يشبه ملابس الكافرات
السابع: أن لا يشبه ملابس الرجال
الثامن: أن لا يقصد به الشهرة بين الناس
التاسع: أن يكون الحجاب نازلا من الرأس ومغطيا منطقة الصدر "وليضربن بخمرهن على جيوبهن" والخمار غطاء الرأس والجيب فتحة الصدر فى الثوب
وأخيرا...
طفح الكيل ولازم نتحرك ونعمل أى حاجة
والحل... يا ريت نبدأ بنفسنا.
هتقولى: أنا وأخواتى أو بناتى ملتزمين
هقولك: دورى فى العيلة بتاعتك كويس وأكيد هتلاقى بنت خالتك أو بنت عمك أو .. أو .. متحجبة بس مش عارفة الحجاب صح ... يا ريت توعيهم و تنصحيهم ، وطبعاً لأن البنات بيفهموا بعض كويس .. فياريت كل أخت فى المنتدى تحاول توصل لصاحبتها أو قريبتها رسالة الحجاب الصح .. علشان القلوب بطبيعتها بتميل للتقرب إلى الله
للأمانة: منقول بتصرف
